O grupo de teatro Achádego avivará as nosas rúas durante a XXXIII SICA

XXXIII SEMANA INTERNACIONAL DE CINE DE AUTOR



Unha vez máis Achádego dotará de fantasía e humor a nosa cidade amurallada e animará as nosas

rúas dando vida a personaxes de toda clase e talante: gágsters de pacotilla, Audry Hepburn,

Marilyn, zombies corteses, o Joker, o gordo e o fraco, Charlot, Stanley e Oli…

O grupo teatral Achádego nace en Lugo no ano 1988 cando Tareixa Campos, directora e actriz,

recibe a encomenda de conmemorar o 40 Aniversario da Declaración Universal dos Dereitos

Humanos. Máis de 20 anos despois, este grupo contou coa colaboración de arredor de 50 actores e

colaborou con programas da televisión galega, espectáculos de rúa e enriba do escenario, onde

representou e segue a representar innumerables obras dos máis aclamados escritores galegos e

estranxeiros. Un grupo de afeccionados moi profesionais, que ensaian despois do traballo, que non

cobran máis que para o sufraxio de gastos, pertencentes a diferentes xeracións e cunha devoción

conxunta: o bo teatro.

A continuación, a programación de Achádego para a XXXIII Internacional de Cine de Autor:

Luns 19

13 h. Audrey Hepburn pasea polas xoierías de Lugo.

18:45 h. Marilyn tomará un cosmopolitan nas terrazas da Praza Maior.

22:30 h. Gánsters de pacotilla na entrada do Auditorio Gustavo Freire.

Martes 20

18:15 h. Joker e os seus secuaces tomarán a Praza Maior e a Deputación.

Marilyn dará un paseo pola muralla e buscará a Audrey, coa que quere manter

unha conversa sobre diamantes.

22:30 h. No auditorio Gustavo Freire o Joker porá a proba o sangue frío dos asistentes.

Mércores 21

18.15 h. Ata a Praza Maior quedará pampa ao ver a dous homes vestidos de mulleres

para lograr traballar como músicos…Unhas pernas meteranse no medio.

22:30 h. Na entrada do Auditorio uns zombis moi amables atenderán ao público

asistente. ¿Unha tapiña de sesos?

Xoves 22

18:15 h. Polas xoierías de Lugo Audrey e Blake Edwards rodarán planos da

súa peli “Os diamantes dixestivos”.

22:30 h. Charlot fará a súa entrada polo patio de butacas do Auditorio

Gustavo Freire.

Venres 23

18:30 h. O gordo e o fraco moverán as cadeiras pola Praza Maior, rúa Raíña, San

Marcos…E con el!

22:30 h. Na entrada do Auditorio Gustavo Freire, desencaixaranse as cadeiras con

Stanley e Oli, de seguro!

 



Alma Sánchez

Xefa de Prensa

Semana Internacional de Cine de Autor