Flor del desierto


Sección: 
A Muller Protagonista
Día e hora: 
Mércores, 29 Setembro, 2010 - 20:30
Lugar: 
Auditorio Gustavo Freire
Idioma: 
Castelán
Título Orixinal : 
Desert flower
País: 
Reino Unido - Alemaña- Austria
Ano: 
2010
Duración: 
124 minutos
Director/a: 
Sherry Horman
Guión: 
Sherry Horman
Montaxe: 
Clara Fabry
Música: 
Martin Todsharow
Fotografía: 
Ken Kelsch
Reparto: 
Liya Kebede (Waris Dirie)
Reparto: 
Sally Hawkins (Marylin)
Reparto: 
Craig Parkinson (Neil)
Reparto: 
Anthony Mackie (Lucinda)
Reparto: 
Timothy Spall (Terry Donaldson)
Outros datos de interés:

Conseguiu o Premio do Público no Festival de Cine de San Sebastián, onde se presentou dentro da sección “Perlas doutros Festivais”.

Sinopsis:

Coma nun conto de fadas, Waris Dirie converteuse nunha das top models máis solicitadas da época. Nacida en Somalia entre pastores nómades, percorreu un camiño fascinante que a levou desde os desertos do nordeste de África ata as pasarelas e revistas máis prestixiosas. Aos 13 anos fuxiu dunha voda de conveniencia e cruzou o deserto soa antes de chegar a Mogadiscio, capital de Somalia. Alí, os seus parentes mandárona traballar como criada á Embaixada do seu país en Londres, onde pasou a adolescencia sen saber ler nin escribir. Antes de volver a un país estragado pola guerra, preferiu permanecer ilegalmente en Londres. Marilyn, unha dependenta con carácter, acolleuna e as dúas fixéronse amigas íntimas. Mentres traballaba nun restaurante de comida rápida, foi descuberta polo famoso fotógrafo Terry Donaldson. A ambiciosa axente Lucinda supervisou a súa transformación en modelo. Pero detrás da brillante fachada da nova vida de Waris escondíase un destino conmovedor. A pesar do éxito, Waris non podía desfacerse do peso dun terrible segredo. No cume da súa carreira, revelou publicamente que fora vítima da ablación. A súa historia espertou unha onda de simpatía e controversia, polo que decidiu dedicar o resto da súa vida a loitar contra esta tradición inhumana.

Dirixe Sherry Horman (Kingston, Nova York, 1960), que se licenciou na HFF (Academia de Televisión e Cine de Múnich). Empezou traballando como decoradora e debutou con Leise Schatten (1991), á que seguiron a popular comedia Frauen sind was wunderbares (1994), Irren ist Männlich (1996), Widows-Erst die Ehe, dann das Vergnügen (1998), My daughter’s tears (2002) e Männer wie wir (2004), da que tamén foi guionista, pero saltou á fama coa súa segunda película. Dirixiu varios thrillers para televisión, tres episodios de El criminalista (2006) e a aclamada miniserie de dous capítulos, Helen, Fred und Ted (2006). Cando Waris Dirie foi entrevistada pola famosa xornalista Barbara Walters, de NBC, e por Laura Ziv, da revista Marie Claire, a modelo decidiu falarlles do horrible ritual que representa a mutilación xenital feminina, contándolles a súa experiencia persoal. A entrevista e o artigo desataron unha onda de asomo e compaixón. O entón secretario xeral da ONU, Kofi Anan, nomeouna Embaixadora de Nacións Unidas. A ablación ou mutilación xenital feminina practícase abertamente en países africanos, árabes e asiáticos, pero numerosas familias de emigrantes afincadas en Europa, Estados Unidos e Canadá seguen sometendo ás súas fillas ó cruel ritual ás agachadas. Decidida a obter o máximo apoio posible para a prohibición desta práctica, Waris Dirie percorre o mundo como representante da ONU.