Homenaxe a Mercedes Cora

Vouvos presentar unha rapaza que, nos seus días, alá polos corenta e cincuenta, revolucionaba as feiras de Castroverde nos veráns, de tal xeito que non había mozo que non se parase para ollala, en posición de firmes, e iso porque poucos se atrevían a falarlle, aínda que ardesen en desexos de facelo. Trátase de Mercedes Cora, bautizada como Josefina Carrodeguas Gómez; filla de Ermitas de Gómez, de Berlán, e nada en Cuba, naquela Cuba que aliviou a fame a tantos emigrantes do noso país. Mercedes Cora morreu en Madrid, despois de deixar filmadas once películas. Levouna un cáncer de peito, daquela incurable, ou pouco menos. Tiña 52 anos.

Xosé María Gómez Vilabella
Castroverde

FILMOGRAFIA DE MERCEDES CORA

Aquel hombre de Tánger (Robert Elwyn, 1951), Horas inciertas (José María Elorrieta, 1951), La hermana San Sulpicio (Luís Lucía, 1952), Gloria Mairena (Luís Lucía, 1952), El Pórtico de la Gloria (Rafael J. Salvia, 1953), La moza del cántaro (Florián Rey, 1953), Sangre y luces (George Rouquier, 1953), La ciudad de los sueños (Enrique Gómez, 1954), Señora ama (Julio Bracho, 1954), Al fin solos (José María Elorrieta, 1955) e Río Guadalquivir (Eduardo Manzanos e Primo Zeglio, 1957).