Atílano, percebeiro de Fisterra, cae preso dun galeón francés. Os franceses lévano, xunto con máis escravos, a unha colonia nunha illa no mar do Caribe. O imperio francés explota os recursos naturais da illa e utiliza os escravos para traballar nunha mina de ouro. Os indíxenas da illa ven como os colonizadores franceses se van convertendo nunha ameaza para eles. A súa preocupación vai medrando, ata que nunha reunión, a tribo toma a decisión de atacar aos soldados franceses. O ataque lévase a cabo no medio da xungla cando soldados e máis escravos volven da mina cargados de ouro. No medio da matanza, Atílano foxe a través do bosque, esquivando os perigos da salvaxe natureza, e chega ao peirao da fortaleza francesa. Alí consegue facerse cun barco e pon rumbo de volta cara á súa terra.