O 23 de setembro de 1948 A Coruña esperta coa noticia dun terrible suceso. Os rumores, que pouco a pouco empezan a confirmarse, chegan á cidade dende o lugar de Dorneda, no concello de Oleiros. Alí, José García Peña, un mexicano de 30 anos, acaba de matar a coiteladas á súa muller, á súa sogra e a unha cuñada tras manter unha forte discusión. As outras tres persoas que se atopaban no lugar dos feitos logran escapar con vida da traxedia. Despois de cometer o triplo asasinato, José García Peña trata de prenderlle lume á casa e despois intenta suicidarse. Tras cumprir a súa condena, o xa famoso asasino de Arillo, Jalisco, trasládase ás Palmas de Gran Canaria, onde casa con Irene Quevedo, que ten unha nena pequena do seu primeiro matrimonio. O 7 de xuño de 1976 asasina a ámbalas dúas, nai e filla, e queima os seus cadáveres. José García Peña suicídase nun centro psiquiátrico en febreiro de 1979.