A finais de 2005, tivemos a sorte de chegar a coñecer a José “Pepín” Bello, a última voz viva da Xeración do 27. Íntimo amigo de Salvador Dalí, Luís Buñuel e Federico García Lorca, entre outros, “Pepín” influíu desde a modestia na obra e a vida de ducias de artistas recoñecidos. Emocionados pola súa lucidez, humanidade e vastísima memoria (contaba xa con 101 anos), quixemos deixar constancia destes encontros cunha gravación audiovisual improvisada, recorrendo para iso a un grupo de amigos, profesionais do sector. Os resultados non puideron ser mellores. Aínda así, estas imaxes nunca puideron ver a luz... Ata agora.