Conseguiu o premio do público na Mostra de Cine de Valencia 2001.

Candidata ao Goya 2002 á mellor película europea.

Martha, unha encantadora cociñeira apaixonada pola súa profesión, realiza verdadeiras obras de arte culinarias nun pequeno restaurante de Hamburgo. Aínda así, a súa vida é bastante monótona. Martha é introvertida, non ten practicamente vida social e vive unicamente para o seu traballo. Pero a súa vida cambiará de repente cando a súa irmá, unha solteira que vivía soa coa súa filla de oito anos, morre nun accidente. Martha faise cargo de Lina, a súa sobriña, que sofre moito pola morte da súa nai. Só a presenza de Mario, un compañeiro italiano de Martha, poñerá un pouco de alegría e de pasta nas súas vidas. Mario pasa de ser un rival a un bo amigo. Pero un día o pai de Lina, ao que Martha intentara localizar, aparece na súa porta. Quere levar á súa filla a Italia e Martha ten que tomar unha decisión.

Está escrita e dirixida pola alemá Sandra Nettelbeck (1966), cineasta procedente da televisión onde foi premiada pola súa produción Mammamia.