Federico Solá é un mozo arquitecto que ve como o posto que lle prometeran en Cementos El Castor llo dan ao fillo do dono. Ademais, a súa noiva Juanita déixao e o seu pai retíralle a axuda económica, polo que se considera fracasado na vida e decide suicidarse. Tras algunhas tentativas iniciais, totalmente frustradas, decide facer públicas as súas intencións, anunciando o seu adeus definitivo nun prazo de tres días. A partir dese momento, Federico trata de converterse nun ser desapiadado e sen escrúpulos, pois a súa morte está próxima, pero, por esa mesma razón, ninguén se atreve a contradicilo e todos se esforzan en facerlle agradable o que lle queda de vida.