Actualmente está inscrita no Ourencine (Festival de Cine de Ourense).

Todos temos cousas que cambiar no noso pasado, eleccións incorrectas que desexamos corrixir. O noso destino non segue un único camiño, senón que está formado por múltiples camiños que marchan paralelos, sen encontrarse. Pero hai lugares nos que os diversos camiños do destino poden intersecarse e nos que nós podemos saltar a outro camiño do noso destino.

A unha desas encrucilladas do destino chegan varias persoas unha noite. Todos teñen episodios do seu pasado que desexan cambiar, que desexan modificar, pero só son uns poucos privilexiados os que o conseguen. Nesta ocasión será Miriam; só Miriam poderá modificar o seu pasado. E non teñades medo, porque a Encrucillada non é un lugar para castigar, senón para dar felicidade.