Mellor Película VI FECIDISCOVI-2013-Collado Villaba-Madrid.
Mediante unha acción ideada e coordinada pola Asociación de Prevención de Accidentes de Tráfico P(A)T Galicia, Entreparadas, o documental recolle en 62 minutos un proxecto que se prolongou máis dun ano e que levou ás rúas de Ourense unha historia de integración, valores e convivencia. A longametraxe fixa a súa mirada en José, con parálise cerebral, e Felisa, inmigrante invidente, que comparten unha experiencia que marcará as súas vidas con outras persoas de diferentes colectivos en risco de exclusión social. Unha idea: un grupo de teatro “invisible” que actúa nos autobuses urbanos. Un soño: Aplausos, emocións, tolerancia, convivencia, cultura e unha forte mensaxe social que chega a moitos viaxeiros entre parada e parada.