Amadou, Omare, Omar, Bakary e Fatou son un grupo de nenos de 8 a 12 anos que viven en Amdallai; un pobo de Gambia na fronteira con Senegal. Como a outros moitos nenos e nenas das fronteiras africanas, o paso de viaxeiros que van e veñen achégaos a un mundo que descoñecen e que imaxinan con esperanza. A través da súa propia mirada e das súas palabras, Flores de la frontera fai un retrato da vida cotiá, as circunstancias e soños destes nenos cun enfoque poético e comprometido que foxe dos tópicos e da compaixón superficial e invita ao espectador a traspasar a barreira das aparencias e dos prexuízos.