Catro amigos, Marcello, o piloto de liña, Ugo, o restaurador, Michel, o realizador de televisión e Philippe, o xuíz que vive coa súa ama de chaves, reúnense unha fin de semana na vila señorial deste último para realizar un suicidio gastronómico e sexual colectivo, que consiste en comer sen parar diversas especialidades. Ugo encárgase da elaboración dos platos mentres que Marcello fai vir unhas prostitutas. Non obstante, asustadas polo cariz que van tomando os acontecementos, estas foxen pola mañá moi cedo e queda só a profesora Andréa, fascinada pola empresa suicida dos protagonistas.