UN CONTRATO EXTRAÑO


Sección: 
Sección Especial
Día e hora: 
Venres, 20 Setembro, 2013 - 20:00
Lugar: 
Fundación Novacaixagalicia
País: 
España
Ano: 
2013
Duración: 
60 minutos
Género: 
Ficción
Director/a: 
Teresa Marcos Blanco
Guión: 
Teresa Marcos, Olga Montero e David Solís Cabal
Reparto: 
Olga Montero
Reparto: 
David S. Cabal
Outros datos de interés:

Película rodada no Pazo de Agüera (Grado) e en Oviedo.

Cámara: Teresa Marcos. 

Edición: Teresa Marcos e José Valle. 

Conformado HD: Valle producciones.

Deseño gráfico: Think diseño y comunicación.

Sinopsis:

Olga, unha muller de mediana idade, contrata os servizos de David, un mozo de aluguer. Para ambos é a primeira vez e ningún sabe moi ben que facer ou como comportarse. Pronto descubren que ambos comparten un pasado de maltrato. A forma en que David resolveu esa situación fai que Olga acabe véndoo como a solución a todos os seus problemas.

Nin Olga nin David son actores profesionais, non se coñecían con anterioridade e pedíuselles que improvisaran sobre unhas escuetas indicacións. As súas propias vidas son a materia prima coa que improvisaron os seus diálogos e construíron os seus personaxes.

 

Teresa Marcos Blanco é licenciada en Ciencias da Información pola Universidade Autónoma de Barcelona, estudou Produción de Cine e TV na Universidad de Sussex (Reino Unido) e no Estudio Lighthouse Film and Video en Brighton (Reino Unido). Escribiu e dirixiu as curtametraxes Se paga al acto, Lencería de ocasión, Por estar contigo e Danny´s Blues (codirixido con Ángeles Muñiz). Os dous primeiros foron nominados nos Premios Goya na categoría de ´Mellor curtametraxe de ficción’ nos anos 1994 e 1999, respectivamente.

En 2011, xunto a Ángeles Muñiz, dirixiu Módulo 10, resultado do obradoiro que as directoras impartiron no módulo de mulleres do centro penitenciario de Villabona (Asturias), no que as reclusas escribiron, interpretaron e colaboraron en todo o proceso. A estrea no Teatro Filarmónica de Oviedo en xaneiro dese mesmo ano foi multitudinario.

Impartiu cursos en obradoiros audiovisuais e organizou actividades de divulgación cinematográfica, tales como unha retrospectiva de curtas asturianas para a Filmoteca de Asturias ou o Seminario Internacional ´Texto y autor en una literatura inadvertida: El Cine´, para a Universidade de Oviedo.

É socia fundadora da Asociación de Realizadores e Directores de Asturias (ARDA) e membro da Academia das Artes e as Ciencias Cinematográficas de España.