É Ano Santo Compostelán. De todo o mundo, e especialmente dos pobos de América, con profunda devoción a Santiago, dispóñense a acudir os peregrinos. Entre eles un “Orfeón Infantil Mejicano”, organizado polo franciscano Padre José, que foi famoso cantante antes de ingresar na orde. Durante a súa viaxe por España, coinciden cunha señora rica, fermosa e elegante, muller cansada da vida, en permanente melancolía. Un dos rapaces do orfeón chama a atención da fermosa dama, que lle dedica a súa protección, que estende a todo o coro. A dama, que foi tamén famosa cantante co nome de  Alejandra, é madrileña de nacemento e chámase Pilar. En Madrid atopa a Diego, un home que a amou na súa xuventude e que se sente namorado ao vela de novo, non sendo correspondido. Alejandra súmase á xira que realizan os rapaces por  España. O Padre José, con prudencia, trata de evitar a súa compaña e defender a Jaime do que tal vez sexa un contacto pernicioso. En  Santiago, tras unha escena na que  Padre afasta a Jaime dela resoltamente, Alejandra cóntalle a súa historia....